დაფოტოშოპებული სასწაულები , ონლაინ ლოცვა , გთხოვთ გააზიარეთ და სხვა…

facebook_ი და ზოგადად სოციალური ქსელები აკლებულია ფოტოზე აღბეჭდილი და სინამდვილეში ფოტოშოპში დამუშავებული „სასწაულებით“ , უაზრობამდეა მისული უბადრუკი facebook_ის გვერდების ადმინისტრატორების მიზანი , მოაგროვონ რაც შეიძლება მეტი მოწონება და ამის გამო პოსტავენ სხვადასხვა სახის  „სასწაულებს“  , ზოგს კარგად და ზოგსაც უნიჭოდ შესრულებულს (ყველამ არ იცის კარგად photoshop :)) , თან დართული წარწერით – „ნამდვილი სასწაულია ! გთხოვთ გააზიაროთ , უფალმა დაგლოცოთ !“ .

მერე „ჭეშმარიტი“ მორწმუნეები ერთმანეთს ეჯიბრებიან ვინ უფრო სწრაფად და ბევრ ასეთ  „სასწაულს“  გააზიარებს  თუ მოიწონებს , სხვებზე შთაბეჭდილების მოხდენის მიზნით და იმ იმედით რომ ვიღაც მორწმუნე ადამიანად ჩათვლის და კარგი ავტორიტეტი ექნება .

თუ ქრისტიანი ხარ გააზიარე !
თუ ღმერთი გიყვარს გააზიარე !
თუ პატრიარქი გიყვარს გააზიარე !

რამდენად უჭერენ მხარს ამ უაზრობას მართლმადიდებლური ეკლესიის „საჭეთმპყრობელნი“ და ქრისტეს „წმინდა ლაშქარი“  არ ვიცი , მაგრამ ზოგადად ეს გაუნათლებელი და ფანატიზმამდე მისული „ყველაზე მორწმუნეებეეე“ მათი შედევრია , ისინი უნერგავენ ადამიანებს ფანატიკურ რწმენას , გაუაზრებელ ქცევებს , ასწავლიან რომ ფიქრიც კი ცოდვაა , როცა რაღაცას ვერ იგებ უბრალოდ უნდა გწამდეს და მორჩა , არ არის საჭირო ფიქრი , ასე მრავლდებიან „დაზომბირებული ცხვრები“ რომლებიც ძირს უთხრიან და არცხვენენ ქრისტეს სწავლებას საკუთრი ქმედებებით , და რას ამბობენ ამაზე მართლმადიდებლური ეკლესიის წარმომადგენლები ? არაფერს , რა უნდა თქვან , ცხოვრობენ ფუფუნებაში , უზრუნველად და ყველასგან იღებენ პატივისცემას , ყველა მოწიწებით ექცევა , მამაო , მამაო , თავი ალბათ ღმერთები ჰგონიათ , დადიან ძვირადღირებული ჯიპებით , დიდი ღიპებით და სულ არ ადარდებთ ის რომ ქრისტიანობას ჩირქს სცხებენ საკუთარი ცხოვრებით ,საკუთარი აზროვნებით , საკუთარ თავზე ირგებენ საეკლესიო კანონებს და როგორც უნდათ ისე თარგმნიან ბიბლიას , იმის გამო რომ ყველაფერზე კურთხევას ითხოვს მრევლი , ბიბლიის წაკითხვაზეც კი იშვიათ ადამიანს აძლევენ კურთხევას , არ უნდათ რომ გაიგონ რა წერია და როგორ , უნდათ რომ კარგად მართონ საკუთარ ჭკუაზე , არ აწყობთ მოაზროვნე ადამიანები , ეს „ცხვრები“ კიდევ ყველაფერზე კურთხევას ითხოვენ საკუთრი „მწყემსისგან“ , როგორ მოიქცეს , რა გააკეთოს , საკუთარ სექსუალურ ცხოვრებასაც კი მოძღვარი უგეგმავს და კურთხევებს გასცემს რომელ დღეს შეიძლება სექსი და რომელ დღეს არა , აი ამ დონეზე „დაზომბებული“ ფანატიკოსები მოედებიან მერე სკოლებს , უნივერსიტეტებს , სხვადასხვა დაწესებულებებს თუ უბრალოდ ოჯახებს და აზროვნებას უწამლავენ ადამიანებს , საკუთარი იდიოტიზმის და განუვითარებლობის გასამართლებელ არგუმენტად კი სასულიერო პირები და მათი კურთხევები მოჰყავთ , კიდევ იმასაც დაამატებენ საზეიმო ტონით ჩვენ ბევრი ვართ და შესაბამისად მართლებიც ჩვენ ვართ და სწორადაც ჩენ ვაზროვნებთო , ამით სურთ თქვან რომ შენ ერთი როცა რაღაცას ამბობ სხვები , მილიონობით ქრისტიანი საპირისპიროს ამბობს , ანუ თავისი თვი ჰგონიათ მართალი , ესე თუა დედამიწის მოსახლეობის ერთი მეხუთედი(დაახლოებით) ბუდისტია , მაშინ გამოდის რომ ისინი ყოფილან მართლები სწორ გზაზე დამდგარი , რაოდენობა არ განსაზღვრავს ხარისხს , გენიოსები ყოველთვის განსხვავებულად ფიქრობდნენ და სწორედ ამიტომ იყვნენ გენიოსები , ჩვენ , უბრალო ადამიანები , რომლებიც გენიოსები არ ვართ მაგრამ არც „დაზომბირებულები“ ვართ და გახელილი თვალებით ვუყურებთ თვალახვეულ , ფანატიკოს ბრბოს და მის სულიერ თუ პოლიტიკურ ლიდერებს რომლებიც მათით ისე მანიპულირებენ ვერც ხვდებიან ეს „ბრმები“ , ყოველთვის უნდა შეგვრაცხონ სატანისტებად (იქნებ სულაც არ არსებობს ეს სატანა და არანაირი ბოროტი ძალა ამ ფანტიკოსების და მათი ლიდერების გარდა 🙂 ), მკრეხელებად და ღვთის მგმობებად , მერე გაიქცნენ და ჯიპიან-ღიპიან მამაოს კურთხევა სთხოვონ ყოველ წვრილმანზე , სადმე წასვლაზე თუ რამე საკითხის გადაწყვეტაზე .
ტექნოლოგიაც რომ კარგად აითვისეს ესეც თვალშისაცემი გახდა , მომრავლდა რელიგიური გვერდები , ფორუმები , საიტები ,  სხვადასხვა აპლიკაციები .
ამაში ცუდი არაფერიაო იტყვიან ფანატიკოსები მაგრამ  თუ ვირტუალურად ვილოცეთ , ვირტუალურად ჩავაბარეთ აღსარება , ვირტუალურად შევასრულეთ საეკლესიო წესები , მაშინ ეკლესიას საკუთარი ფუნქცია ეკარგება .
ამ მხრივ ჩვენი ერთმორწმუნე რუსი „ძმები“ (როგორც ამას სასულიერო პირები იტყოდნენ) მოწინავეები არიან , ერთ-ერთი ასეთი საიტია – http://claus.msk.ru/

აქ ნახავთ სხვადასხვა ხატებს , მოისმენთ ზრების და ფრინველების ხმას (მოკლედ სამოთხის იმიტაციაა ! :)), წაიკითხავთ ლოცვებს , სანთელსაც კი აანთებთ ვირტუალურად ! 🙂  ტექნოლოგია ერწყმის რელიგიას .

არც ქართველი ჭეშმარიტი მორწმუნეები ჩამორჩებია ერთმორწმუნე რუს „ძმებს“


რელიგიას რომელსაც სჭირდება სასწაულების დემონსტრირება რათა საკუთრი უზენაესობა დაამტკიცოს , ეს რელიგია უკვე უაზრობაა .